Bókaðu tíma

Í síma 588 3430 alla virka daga eða sendu okkur fyrirspurn á delta@delta.is

Delta tannlæknar
Reynslan skiptir þig máli

Delta tannlæknar opnuðu í Mörkinni 6 þann 1. júlí 2021 eftir að við sameinuðust um kaup á húsnæði og rekstri tannlæknastofunnar, sem þar var til húsa, af fyrri eigendum þeim Þorsteini og Guðjóni sem voru að hætta rekstri vegna aldurs. En þeir höfðu rekið saman stofu þar síðustu rúmu 20 árin.

Ástæðan fyrir því að við völdum að flytja stofur okkar í Mörkina er ekki síst hve staðsetningin er miðsvæðis og því auðvelt að komst til okkar hvort sem komið er á eigin bíl eða með almenningssamgöngum. Þá er ekki víða á þessu svæði eins góður aðgangur að bílastæðum. Einnig vildum við frekar kaupa eldri stofu og þannig nýta það sem vel var gert. Þeim kröfum mætti þessi vel staðsetta, vandaða og vel hannaða stofa fullkomlega.

Sjá nánar

Starfsfólk

Sigríður Rósa Víðisdóttir

Tannlæknir

Sigríður Rósa útskrifaðist frá Tannlæknadeild Háskóla Íslands árið 1989, og er því með yfir 30 ára reynslu. Hún hefur rekið sína eigin tannlæknastofu frá 1995. Sigríður er með meistaragráðu í tannlækningum með sérsvið í réttartannlækningum og er í Kennslanefnd Ríkislöjgreglustjóra.

Hún er einnig lektor við Tannlæknadeild Háskóla Íslands. Hún hefur mikinn áhuga á útlits- og fegrunar tannlækningum og gerir einnig minniháttar tannréttingar. Einnig hefur hún sett niður tannplanta (implönt) frá árinu 2005.

Sigríður Sólveig Ólafsdóttir

Tannlæknir

Sigga Sól útskrifaðist frá Tannlæknadeild Háskóla Íslands árið 1999 og hefur rekið eigin tannlæknastofu frá útskrift eða í rúmlega 20 ár. Áður en Sigga Sól lærði tannlækningar stundaði hún tannsmíðanám í Kaupmannahöfn. Sigríður Sólveig hefur verið virkur félagsmaður í Tannlæknafélagi Íslands og setið í stjórn félagsins.

Sigga Sól hefur sérhæft sig í að þjóna fjölskyldum og hefur langa reynslu og mikla gleði af því að vinna með börn þannig að heimsókn þeirra sé jákvæð og uppbyggileg upplifun. Sigga Sól býr því að langri reynslu hvað varðar allt sem viðkemur góðri tannheilsu og heilbrigði tannhols.

Salka Ólafsdóttir

Tannlæknir

Salka Ólafsdóttir útskrifaðist frá Tannlæknadeild Háskóla Íslands árið 2004 og hefur rekið eigin tannlæknastofu frá 2005 eða í nær 20 ár. Salka veitir alla almenna tannlæknaþjónustu fyrir börn og fullorðna. Hún hefur öðlast víðtæka reynslu á ýmsum sviðum tannlæknisfræðinnar.

Anna Slawka

Tannlæknir / Polski dentysta Reykjavik

Anna útskrifaðist frá Tannlæknadeild háskólans í Gdansk í Póllandi árið 2016. Anna hefur unnið við tannlækningar á Íslandi síðustu 5 árin og sinnir öllum almennum tannlækningum barna og fullorðinna.

Kolejną dentystką w naszej klinice jest Anna Sławińska-Chorążyczewska. Anna ukończyła Gdański Uniwersytet Medyczny w 2016 roku. Po roku pracy w Polsce, rozpoczęła przygodę na Islandii. Głównie zajmuje się stomatologią zachowawczą, dziecięcą oraz chirurgią stomatologiczną.

Sigrún J. Marteinsdóttir

Tannlæknir

Sigrún (Sissa) útskrifaðist frá Tannlæknadeild Háskóla Íslands árið 1993 og hefur starfað sem tannlæknir frá útskrift eða í yfir 30 ár. Sigrún hóf starfsferil sinn norður á Akureyri en lengst af hefur hún verið sjálfstætt stafandi tannlæknir hér á höfuðborgarsvæðinu. Sigrún sinnir öllum almennum tannlækningum.

Rolf Hansson

Tannholdssérfræðingur

Rolf útskrifaðist frá Tannlæknadeild Háskóla Íslands 1982. Sérfræðingur í tannholdslækningum frá Michigan háskóla 1987. Rolf hefur rekið eigin tannlæknastofu í Mörkinni 6 síðastliðin rúm 20 ár.